زاہد احمد، صبا قمر، درفشاں سلیم، نیر اعجاز، جاوید شیخ، سلیم شیخ، وحید عفن اور شہزاد شیخ سمیت دیگر کاسٹ پر مبنی فلم کو 26 دسمبر کو ’اے آر وائے ڈیجیٹل‘ پر نشر کیا گیا۔

ساتھ ہی پونے دو گھنٹے کی فلم کو یوٹیوب پر بھی ریلیز کردیا گیا۔

یہ بھی پڑھیں: صبا قمر، عفان وحید اور درفشاں سلیم ٹیلی فلم ’ہنگور‘ میں اداکاری کریں گے

’ہنگور‘ کو بنانے کا اعلان رواں برس ستمبر میں کیا گیا تھا، جس کے بعد نومبر میں اس کا ٹیزر بھی جاری کیا گیا تھا۔

رواں ماہ 11 دسمبر کو ’ہنگور‘ کا ٹریلر جاری کیا گیا تھا اور خیال کیا جا رہا تھا کہ اسے ممکنہ طور پر 16 دسمبر کو پیش کیا جائے گا، تاہم اسے 26 دسمبر کو نشر کیا گیا۔

ٹیلی فلم کی مرکزی کہانی 1971 کی پاکستان اور بھارت کی جنگ کے دوران پاک بحریہ کی دلیرانہ کارروائیوں اور پاک نیوی کی آبدوز ’ہنگور‘ کی کارروائی کے گرد گھومتی ہے۔

ٹیلی فلم کی کہانی بنگلادیش کو پاکستان سے الگ کرنے کی سازشی جنگ میں بھارتی منصوبوں کی ناکامی کے گرد گھومتی ہے۔

مزید پڑھیں: پاک بحریہ کی بہادرانہ کارروائیوں پر بنی ٹیلی فلم ’ہنگور‘ کا ٹریلر جاری

ٹیلی فلم میں پاک بحریہ کی آبدوز ’ہنگور‘ کی جانب سے 9 دسمبر 1971 کو بھارتی جنگی آبدوزوں ’ککری اور کرپان‘ کی تباہی کے قصے کو دکھایا جائے گا۔

فلم میں زاہد احمد، صبا قمر، درفشاں اور عفن وحید کے کرداروں کی تعریفیں کی جا رہی ہیں۔

مذکورہ ٹیلی فلم سے قبل بھی پاک بحریہ، پاک فضائیہ اور پاک فوج کی بہادرانہ کارروائیوں پر چند ڈرامے، ٹیلی فلمیں اور فیچر فلمیں بھی ریلیز کی جا چکی ہیں۔

حالیہ چند سال میں پاک فوج کے شعبہ تعلقات عامہ (آئی ایس پی آر) کے تعاون سے خانگی پروڈکشن ہاؤسز نے تینوں مسلح افواج کی بہادرانہ کارروائیوں پر متعدد ٹیلی فلمیں، ڈرامے اور مختصر سیریز بھی جاری کی ہیں۔