آئی کیو او او زی 6 فائیو جی میں 6.58 انچ کا ایف ایچ ڈی پلس ایل سی ڈی ڈسپلے 120 ہرٹز ریفریش ریٹ کے ساتھ دیا گیا ہے۔

فون کے اندر اسنیپ ڈراگون 695 پراسیسر موجود ہے۔

آئی کیو او او زی 6 میں 5000 ایم اے ایچ بیٹری 18 واٹ فاسٹ چارجنگ سپورٹ کے ساتھ دی گئی ہے۔

فون کے بیک پر 3 کیمروں کا سیٹ اپ موجود ہے جس کا مین کیمرا 50 میگا پکسل کا ہے۔

اس کے ساتھ 2 میگا پکسل میکرو اور 2 میگا پکسل ڈیپتھ ڈیٹا کیمرے دیئے گئے ہیں۔

ڈیوائس میں اینڈرائیڈ 12 آپریٹنگ سسٹم کا امتزاج فن ٹچ او ایس 12 سے کیا گیا ہے۔

کمپنی کے مطابق فون میں 5 تہوں پر مشتمل لیکوئیڈ کولنگ سسٹم موجود ہے جو تھرملز کو زیادہ گرم نہیں ہونے دیتا۔

فون میں فنگرپرنٹ اسکینر سائیڈ پر دیا گیا ہے جبکہ ہیڈفون جیک بھی ڈیوائس کا حصہ ہے۔

آئی کیو او او زی 6 میں 4، 6 اور 8 جی بی ریم جبکہ 128 جی بی اسٹوریج کے آپشن دستیاب ہوں گے۔

اس فون کو سب سے پہلے بھارت میں فروخت کے لیے پیش کیا جارہا ہے۔

جہاں 4 جی بی ریم والا ماڈل 203 ڈالرز (36 ہزار پاکستانی روپے سے زائد)، 6 جی بی ریم والا ورژن 223 ڈالرز (39 ہزار پاکستانی روپے سے زائد) جبکہ 8 جی بی ریم والا فون 235 ڈالرز (42 ہزار پاکستانی روپے سے زائد) میں دستیاب ہوگا۔