تاہم بعض اوقات آنے والی زبان کے کچھ جملے یا الفاظ بھی انسان نہیں پڑھ سکتا،جیسا کہ ایک ٹک ٹاکر کی جانب سے شیئر کیے گئے جملے کو 99 فیصد لوگ نہیں پڑھ پا رہے۔

ٹک ٹاکر ہیکٹک نِک کی جانب سے شیئر کی گئی مختصر ویڈیو میں انہوں نے انگریزی زبان پر مشتمل ایک جملے شیئر کیا، جسے 99 فیصد لوگ نہیں پڑھ پا رہے۔

ان کی جانب سے شیئر کیا گیا جملہ اگرچہ انتہائی آسان ہے مگر جملے کی ڈیزائننگ اور السٹریشن کی وجہ سے اسے لوگ لاکھ کوشش کرنے کے باوجود بھی نہیں پڑھ پا رہے۔

یہ بھی پڑھیں: کیا دنیا کے مختصر ترین آئی کیو ٹیسٹ پاس کرسکتے ہیں؟

ٹک ٹاکر اسی طرح کے ہی ذہنی آزمائش کے جملے اور تصاویر شیئر کرکے مداحوں کا امتحان لیتا رہتا ہے اور ان کے ٹک ٹاک 40 لاکھ کے قریب فالوورز ہیں۔

آسان انگریزی جملے کی مشکل انداز میں لکھائی کی ان کی ویڈیو کو اب تک 70 ہزار بار دیکھا جا چکا ہے اور اس پر ہزاروں افراد نے کمنٹس بھی کیے ہیں اور کئی لوگوں نے ان کے چیلنج کو قبول کرکے وہ جملہ پڑھ بھی لیا۔

تاہم مجموعی طور پر ان کے شیئر کیے گئے جملے کو پڑھ پانے والے افراد کی تعداد ایک فیصد بنتی ہے جب کہ 99 فیصد لوگ کچھ کوشش کے بعد ٹک ٹاکر کو بے وقوف قرار دے کر جملے کو پڑھنے کی کوشش ہی نہیں کرتے۔

دراصل انہوں نے ڈیزائنگ کے انداز میں انگریزی کے جملے ’بیڈ آئیز‘ کی تصویر شیئر کی، جسے تمام کوششوں کے باوجود نہیں پڑھا جا سکتا۔

تاہم اسے ایک آسان طریقے سے واضح انداز میں پڑھا جا سکتا ہے، جملے کو آسانی سے پڑھنے کے لیے پڑھنے والے کو اپنی آنکھیں 90 فیصد بند کرکے مذکورہ تصویر کو دیکھنا پڑے گا۔

ہمارا اندازہ ہے کہ اس خبر کو پڑھنے والے افراد میں سے بھی 99 فیصد لوگ کافی دیر کے باوجود اس جملے کو نہیں پڑھ پا رہے ہوں گے۔