عدنان صدیقی نے حال ہی میں نواز شریف سے ملاقات کی تھی اور دونوں کی ملاقات کی تصاویر کو مسلم لیگ (ن) کے سوشل میڈیا اکاؤنٹس پر بھی شیئر کیا گیا تھا۔

اداکار اور مسلم لیگ (ن) کے قائد کی ملاقات کی تصاویر وائرل ہونے پر سوشل میڈیا پر دونوں کی دلچسپ میمز شیئر کی گئیں اور زیادہ تر لوگوں نے لکھا کہ اب پاکستان تحریک انصاف (پی ٹی آئی) والے عدنان صدیقی کو ڈاکٹر اسٹرینج سمجھیں گے۔

لندن میں مقیم صحافی مرتضیٰ شاہ نے عدنان صدیقی کی ویڈیوز بھی شیئر کیں، جن میں وہ بتاتے سنائی دیے کہ انہوں نے نواز شریف سے ملاقات کی اور انہیں اپنی پروڈیوس کردہ فلم ’دم مستم‘ دیکھنے کی دعوت دی، جس پر (ن) لیگ کے قائد نے انہیں بتایا کہ وہ ان کی برادری کے لیے بہت کچھ کرنے والے ہیں۔

دونوں کی ملاقات کی تصاویر کو متعدد افراد نے شیئر کرتے ہوئے ان پر مزاحیہ تبصرے کیے اور عدنان صدیقی پر میمز بنائی گئیں۔

بعض لوگوں نے لکھا کہ دونوں پر تنقید کرتے ہوئے لکھا کہ ایک معروف اداکار اور عدنان صدیقی کے درمیان ملاقات ہوئی۔

بعض لوگوں نے مزاحیہ انداز میں لکھا کہ عدنان صدیقی نے ایشیائی برطانوی شخص سے ملاقات کی، جو یہاں اور وہاں دونوں جگہ رہتے اور کام کرتے ہیں۔

کچھ لوگوں نے عدنان صدیقی اور نواز شریف کی ملاقات کی تصاویر وائرل ہونے پر پاکستانی عوام کی خوشی بھی دیدنی قرار دی۔