عامر لیاقت نے پہلی شادی ڈاکٹر بشریٰ سے کی تھیں، جن سے انہیں دو نوجوان بچے بھی ہیں، جن کی عمریں 20 سال سے زائد ہیں۔

ڈاکٹر بشریٰ اقبال نے دسمبر 2020 میں تصدیق کی تھی کہ شوہر نے انہیں طلاق دے دی۔

عامر لیاقت نے دوسری شادی ماڈل و اداکارہ طوبیٰ انور سے جولائی 2018 میں کی تھی جو ان سے کئی سال کم عمر تھیں اور دونوں کی شادی 4 سال سے بھی کم عرصے تک چلی۔

طوبیٰ انور نے فروری 2022 میں تصدیق کی تھی کہ انہوں نے عامر لیاقت سے خلع لے لی۔

عامر لیاقت نے تیسری شادی فروری 2022 میں بہاولپور کی 18 سالہ لڑکی دانیہ شاہ سے کی تھی، جنہوں نے رواں ماہ مئی کے آغاز میں خلع کے لیے وہاں کی مقامی عدالت میں درخواست دائر کی تھی۔

دانیہ شاہ کی جانب سے طلاق کے لیے درخواست دائر کرنے کے بعد عامر لیاقت نے ان کی مبینہ آڈیو اور بعد ازاں دانیہ شاہ نے بھی عامر لیاقت کی مبینہ آڈیو اور ویڈیوز لیک کی تھیں اور دونوں نے ایک دوسرے پر سنگین الزامات بھی لگائے تھے۔

یہ بھی پڑھیں: پہلی بیویوں کو طلاق دی، نہ خلع کے کاغذات پر دستخط کیے، عامر لیاقت

بعد ازاں عامر لیاقت نے ہار تسلیم کرتے ہوئے دانیہ شاہ سے معافی مانگتے ہوئے پاکستان چھوڑ جانے کا اعلان کیا تھا، تاہم انہوں نے ملک چھوڑنے کی تاریخ نہیں دی تھی۔

اب انہوں نے اپنی دونوں سابق بیویوں اور الگ ہونے والی دانیہ شاہ کے لیے پیغام لکھتے ہوئے تینوں سے شکوہ کیا کہ انہوں نے انہیں رسوا کیا۔

عامر لیاقت حسین نے انسٹاگرام پر ایک گانے کی ویڈیو شیئر کی، جس میں انہوں نے دونوں سابق بیویوں کے علاوہ دانیہ شاہ کے ہمراہ کھچوائی گئی تصاویر بھی شیئر کیں۔

ساتھ ہی عامر لیاقت حسین نے تینوں خواتین کے لیے کیپشن بھی لکھا کہ ’انہیں کسی کے تبصروں اور مشوروں کی ضرورت نہیں‘۔

مزید پڑھیں: عامر لیاقت حسین تیسری بار رشتہ ازدواج سے منسلک

انہوں نے مزید دیتے ہوئے دھمکی لکھا کہ ابھی صرف انٹرویل ہوا ہے اور باقی کہانی وہ خود لکھیں گے، جس میں سچ کے سوا کچھ اور نہیں ہوگا‘۔

ساتھ ہی عامر لیاقت نے ایک بار پھر دہرایا کہ ’وہ یہاں سے جا رہے ہیں‘ تاہم انہوں نے واضح نہیں کیا کہ وہ کب اور کہاں جا رہے ہیں ااور وہ کب تک مزید سچ سامنے لائیں گے۔

عامر لیاقت حسین نے کیپشن میں پہلی اہلیہ بشریٰ سے شکوہ کرتے ہوئے لکھا کہ کہ ’وہ حجاب والی ہیں ان کا حجاب ڈھکا رہے، ایک شوہر کا یہی فرض اور ذمے داری ہے‘۔

ساتھ ہی انہوں نے شکوہ کیا کہ لیکن انہیں کسی نے نہیں چھوڑا، جس کا جتنا بس چلا، اس نے ان کے ساتھ برا کیا۔