غیر ملکی خبر رساں ایجنسی ’اے ایف پی‘ نے ایران کی سرکاری خبر ایجنسی ’ارنا‘ کا حوالہ دیتے ہوئے رپورٹ میں بتایا کہ ایران کے جنوبی صوبہ فارس میں دیجگاہ گاؤں سے تعلق رکھنے والا ’دنیا کا گندہ ترین‘ شہری آمو حاجی 94 برس کی عمر میں چل بسے۔

مزید پڑھیں: 145سالہ شخص کی آخری خواہش 'موت'

رپورٹ کے مطابق آمو حاجی نامی بزرگ شہری نصف صدی سے زائد عرصہ نہانے سے گریز کرتا رہا اور اپنی ساری زندگی تنہا گزاری۔

رپورٹ میں مزید کہا گیا کہ بیماری کے خوف سے آمو حاجی نے کئی دہائیاں نہانے سے گریز کیا مگر چند ماہ قبل ان کے پڑوسی انہیں پہلی بار نہانے کے لیے لے گئے تھے مگر انہیں بھی اس میں ناکامی کا سامنا کرنا پڑا۔

یہ بھی پڑھیں: دنیا کی معمر ترین خاتون 119سال کی عمر میں انتقال کر گئیں

ایرانی میڈیا کے مطابق آمو حاجی کی زندگی پر 2013 میں ایک مختصر فلم بھی بنی تھی جس کا نام تھا ’دی اسٹرینج لائف آف آمو حاجی‘ جس کے بعد ان کو عالمی سطح پر پذیرائی حاصل ہوئی تھی۔