خیبرپختونخوا کے وزیراعلیٰ سمیت دیگر وزرا اور پارٹی کی اعلیٰ قیادت اپنے اپنے علاقوں سے ریلی کی قیادت کریں گے جس کے بعد پشاور اسلام آباد موٹر وے پر ایک ساتھ جمع ہو کر راولپنڈی کے لیے روانہ ہوں گے۔

پی ٹی آئی رہنما سید فرقان کھاکھیل نے ڈان کو بتایا کہ صوبائی وزیر خزانہ تیمور سلیم جھگڑا اور صوبائی وزیر تعلیم کامران بنگش پشاور میں ریلی کی قیادت کریں گے۔

انہوں نے مزید بتایا کہ پشاور، خیبر اور محمند کے اضلاع سے پی ٹی آئی کے کارکنان پشاور اسلام آباد موٹر وے پر جمع ہوں جہاں سے وہ راولپنڈی کی جانب روانہ ہوں گے