حکومت پنجاب کے محکمہ سروسز اینڈ جنرل ایڈمنسٹریشن کی طرف سے جاری کردہ نوٹی فکیشن کے مطابق ایڈیشنل آئی جی انویسٹی گیشن غلام رسول زاہد کو قائم مقام آئی جی پنجاب کی ذمہ داری سونپ دی گئی ہے۔

انسپکٹر جنرل آف پولیس (آئی جی) پنجاب فیصل شاہکار نے عہدے کا چارج چھوڑ دیا ہے، جن کی جگہ ایڈیشنل آئی جی غلام رسول زاہد کو قائم مقام آئی جی پنجاب مقرر کیا گیا ہے۔

نوٹیفکیشن کے مطابق مزید احکامات تک غلام رسول زاہد بطور آئی جی پنجاب خدمات سرانجام دیں گے۔

غلام رسول زاہد گریڈ 21 کے افسر اور بطور ایڈیشنل آئی جی انویسٹی گیشن برانچ پنجاب تعینات تھے ہیں۔

قبل ازیں آئی جی پنجاب فیصل شاہکار نے اپنے عہدے کا چارج چھوڑنے کے حوالے سے سیکریٹری سروسسز کو خط لکھا تھا۔

فیصل شاہکار اقوام متحدہ میں بطور ایڈوائزر پولیس کا چارج سنبھالیں گے اور آئی جی پنجاب کا چارج چھوڑنے کے حوالے سے رپورٹ سیکریٹری سروسسز کو ارسال کر دی تھی۔

خیال رہے کہ اس سے قبل 6 نومبر کو آئی جی پنجاب فیصل شاہکار نے ’ذاتی وجوہات‘ کی بنیاد پر عہدہ چھوڑنے کا فیصلہ کیا تھا۔

فیصل شاہکار نے عہدہ چھوڑنے سے متعلق وفاق کو خط لکھ دیا تھا، جس میں انہوں نے لکھا تھا کہ ذاتی وجوہات کی بنیاد پر وہ کام جاری نہیں رکھ سکتے۔