ڈان اخبار کی رپورٹ کے مطابق قومی اسمبلی سیکرٹریٹ سے جاری اعلامیے میں کہا گیا کہ ’یہ فیصلہ گزشتہ برس 23 دسمبر کو پارلیمنٹ ہاؤس کے گیٹ نمبر ایک پر کچھ غیر مجاز یوٹیوبرز/سوشل میڈیا انفلوئنسرز کی جانب سے ارکان اسمبلی کے ساتھ بدسلوکی کے واقعے کے تناظر میں کیا گیا ہے‘۔

اعلامیے میں مزید کہا گیا ہے کہ ’اس واقعے سے پریس رپورٹرز ایسوسی ایشن کو بھی آگاہ کیا گیا جنہوں نے دعویٰ کیا کہ وہ صرف اپنے اراکین کے ذمہ دار ہیں اور انہوں نے یوٹیوبرز اور سوشل میڈیا انفلوئنسرز سے لاتعلقی کا اظہار کیا۔

سیکریٹری پریش رپورٹرز ایسوسی ایشن جنرل آصف بشیر چوہدری نے کہا کہ ’شہری صحافیوں (سٹیزن جرنلسٹ) پر کسی قسم کی پابندی کی حمایت نہیں کرتے، ایسوسی ایشن کا ماننا ہے کہ نہ صرف صحافی بلکہ پاکستان کے ہر شہری کو اظہار رائے کی آزادی حاصل ہے‘۔