’گلابو رانی‘ کی کہانی ہاسٹل میں آسیبوں کے سائے سمیت وہاں ہونے والے انوکھے واقعات کے گرد گھومتی ہے اور اس کی کہانی عثمان مختار کی اہلیہ زنیرہ انعام خان نے علی مدار کے ہمراہ لکھی ہے۔

فلم کا ٹریلر گزشتہ برس جون میں ریلیز کیا گیا تھا، جسے کافی پسند کیا گیا تھا۔

فلم کو پاکستان میں ریلیز کیے جانے کے بعد اسے مختلف عالمی فیسٹیولز میں پیش کیا گیا، جہاں اسے کافی سراہا گیا اور اسے مختلف فیسٹیول میں دو سے زائد ایوارڈز کے لیے منتخب کیا گیا۔

عثمان مختار نے انسٹاگرام پوسٹ میں بتایا کہ ان کی فلم مختلف فیسٹیولز میں سات ایوارڈز جیتنے میں کامیاب ہوگئی۔

انہوں نے فلم کو مختلف عالمی ایوارڈز دیے جانے پر فیسٹیول انتظامیہ کا شکریہ ادا کرتے ہوئے فلم کی ٹیم کے ارکان کے تعاون اور ساتھ کا بھی شکریہ ادا کیا۔

عثمان مختار نے فلم کو ایوارڈز ملنے پر اسے پوری ٹیم کی کامیابی قرار دیا اور بتایا کہ ان کی فلم نے مختلف فیسٹیولز میں سات ایوارڈز جیت لیے۔

انہوں نے بتایا کہ ان کی فلم کو ’بہترین ہارر شارٹ فلم، بہترین سائونڈ ڈیزائن، بہترین ڈائریکٹٹر میل، بہترین سائنامٹاگرافی، بہترین، ہارر شاٹ فلم، بہترین ڈائریکٹر اور بہترین ہارر شارٹ فلم‘ کے ایوارڈز دیے گئے۔

’گلابو رانی‘ کو مجموعی طور پر تین مختلف فلم فیسٹیولز میں ساتوں ایوارڈز دیے گئے، فلم کو تین ہارر شارٹ فلم اور دو بہترین ہدایت کار کے ایوارڈ ملے۔

’گلابو رانی‘ میں میں ڈیڑھ سو سال پرانی یونیورسٹی اور اس کے ہاسٹل میں ہونے والے ناگہانی واقعات کو دکھایا گیا ہے جو یقینی طور پر طلبہ کے لیے پریشانی کا باعث بنے ہوئے ہوتے ہیں۔

جاری کیے گئے مختصر دورانیے کے ٹریلر سے اگرچہ کہانی کو سمجھنا مشکل ہے، تاہم عندیہ ملتا ہے کہ شائقین کو نہ صرف سسپنس بلکہ ہارر بھی دیکھنے کو ملے گا۔

ٹریلر سے واضح طور پر عندیہ ملتا ہے کہ اس کی کہانی یونیورسٹی کے ہاسٹل میں ہونے والے انوکھے واقعات کے گرد گھومتی ہے۔

گلابو رانی’ عثمان مختار کی ہدایت کاری میں بننے والی پہلی مرکزی فلم ہوگی اور وہ اس کے شریک پروڈیوسر بھی ہیں۔

’گلابو رانی‘ کی کاسٹ میں اسامہ جاوید حیدر، معراج حق، دانیال خاقان افضل، عمر عبداللہ خان اور نتاشا حمیرا اعجاز سمیت دیگر اداکار شامل ہیں۔