مظفرآباد میں صحافیوں سے بات کرتے ہوئے پی ٹی آئی رہنما اور سابق وزیراعظم تنویر الیاس نے کہا کہ ’فوج پر تنقید اور فوجی تنصیبات پر حملے ناقابل معافی جرم ہے اور کوئی بھی ذی شعور اس طرح کے رویے کی حمایت نہیں کرسکتا ہے‘۔

انہوں نے کہا کہ ’ایک مضبوط فوج ہی ملک کے دفاع اور استحکام کی ضامن ہوتی ہے‘۔

انہوں نے دعویٰ کیا کہ پی ٹی آئی کے کئی رہنما اداروں سے تصادم کی پالیسی کی حمایت نہیں کرتے ہیں کیونکہ وہ سمجھتے ہیں کہ ادارے سیاست کے لیے استعمال نہیں ہونے چاہیے۔