جے آئی ٹی کی طرف سے گزشتہ روز عمران خان کو طلبی کا نوٹس جاری کیا گیا تھا۔

اپنے وکلا علی اعجاز بٹر اور نعیم حیدر پنجھوتھا کے ذریعے طلبی کے جواب میں عمران خان نے ’معتبر ذرائع سے ملنے والی اطلاعات‘ کا حوالہ دیتے ہوئے کہا کہ ان پر عوامی پیشی اور تفتیش میں شامل ہونے کے دوران حملہ کیا جا سکتا ہے۔

عمران خان نے جواب میں بتایا کہ انہیں آج عدالت میں بھی پیش ہونا تھا۔

چیئرمین پی ٹی آئی نے درخواست کی کہ انہیں گھر سے ویڈیو لنک کے ذریعے تحقیقات میں شامل ہونے کی اجازت دی جائے یا اس مقصد کے لیے سوالات پر مشتمل سوالنامہ بھیجا جائے۔

انہوں نے جواب میں لکھا کہ متبادل طور پر، میں زمان پارک میں ذاتی طور پر بھی دستیاب ہوں۔