’رائٹرز‘ کی رپورٹ کے مطابق عرب ممالک سمیت دیگر اسلامی ممالک کے وزرا کا وفد آج چین کے دارالحکومت بیجنگ کا دورہ کررہا ہے۔

یہ وفد اقوام متحدہ کی سلامتی کونسل کے مستقل ارکان کی نمائندگی کرنے والے حکام سے ملاقات کرے گا۔

ان ممالک کی جانب سے مغرب پر دباؤ ڈالا جارہا ہے کہ وہ فلسطینیوں کے خلاف اسرائیل کے اقدامات کے اس جواز کو مسترد کرے کہ وہ یہ سب اپنے دفاع میں کررہا ہے۔

چین کے اعلیٰ سفارت کار وانگ یی سے ملاقاتیں کرنے والے حکام کا تعلق اسلامی تعاون تنظیم (او آئی سی) کے علاوہ سعودی عرب، اردن، مصر، انڈونیشیا، فلسطین و دیگر ممالک سے ہے۔