ڈان نیوز ٹی وی کے مطابق پنجاب کے ڈی جی فوڈ اتھارٹی کا کہنا ہے کہ راولپنڈی ڈویژن میں 1500 کلو اور سرگودھا ڈویژن میں ایک ہزار کلو مضر صحت گوشت تلف کردیا ہے، جبکہ آن لائن کمپلینٹ پر کاروائی کرتے ہوئے مضر صحت گوشت سے بھری ہوئی گاڑی پکڑی گئی۔

انہوں نے کہا کہ رہائشی علاقے میں غیر قانونی طور پر سلاٹر ہاؤس قائم کیا گیا تھا، ایک شخص کے خلاف مقدمہ درج اور گاڑی کو پولیس کے حوالے کر دیا ہے۔

انہوں نے مزید بتایا کہ بدبو دار گوشت کی سٹوریج اور فروخت پر ملزمان کے خلاف مقدمہ درج کردیا گیا ہے۔