وکیل سلمان صفدر نے اسلام آباد میں میڈیا سے بات کرتے ہوئے کہا کہ سائفرکیس ختم ہوچکا، اس میں اب کچھ نہیں بچا۔

ان کا کہنا تھا کہ آج معزز جج صاحبان نے بھی لیول پلینگ فیلڈ کی بات کی۔

خیال رہے کہ آج سپریم کورٹ آف پاکستان نے سائفر کیس میں سابق و زیر اعظم عمران خان اور سابق وزیر خارجہ شاہ محمود قریشی کی ضمانت بعد از گرفتاری کی درخواست منظور کرلی۔

سپریم کورٹ نے درخواست منظور کرتے ہوئے بانی پی ٹی آئی اور شاہ محمود قریشی کو 10،10 لاکھ روپے کے ضمانتی مچلکے جمع کرانے کا حکم دیا ہے۔