پارلیمنٹ ہاؤس میں میڈیا سے گفتگو میں سینیٹر مشاہد حسین سید نے کہا ہے کہ افغانستان، پاکستان کے ساتھ مذاکرات کے ذریعے مسائل حل کرنا چاہتا ہے۔

انہوں نے کہا کہ اگر پاکستان، نریندر مودی سے مذاکرات کر سکتا ہے تو افغانستان سے کیوں نہیں، پڑوسیوں کے ساتھ ہمارے تعلقات خراب نہیں ہونے چاہئیں۔

ان کا کہنا تھا کہ افغان طالبان نے تسلیم کیا کہ چترال دہشت گردی واقعے میں ملوث ٹی ٹی پی کے دہشت گردوں کو گرفتار کیا ہے۔

مشاہد حسین سید نے کہا کہ افغان وزیر خارجہ کے مطابق پاکستان اور ٹی ٹی پی کے مذاکرات کامیابی کے قریب تھے، تاہم فاٹا انضمام کے معاملے پر مذاکرات ناکام ہوئے۔