ڈان نیوز کے مطابق محکمہ موسمیات نے بتایا کہ شمالی بلوچستان سمیت ملک کے شمالی علاقوں میں موسم شدید سرد رہے گا۔

مزید بتایا کہ پنجاب اور خیبر پختونخوا کے میدانی علاقوں میں صبح اور رات کے اوقات میں شدید دھند چھائی رہے گی ۔

محکمہ موسمیات کے مطابق اسلام آباد میں موسم سرد اور خشک رہے گا جبکہ خیبر پختونخوا کے بالائی اضلاع، مری گلیات اور گردو نواح، کشمیر میں موسم شدید سرد اور خشک رہے گا، اسی طرح گلگت بلتستان میں موسم شدید سرد اور مطلع ابر آلود رہے گا۔

محکمہ موسمیات نے بتایا کہ چترال اور گردو نواح میں بوندا باندی اور ہلکی برفباری ہو سکتی ہے۔