پاکستان اور آسٹریلیا میں کھیلے جا رہے دوسرے ٹیسٹ میچ میں آسٹریلیا کا پلہ بھاری ہے جسے مجموعی طور پر 241 رنز کی برتری حاصل ہے۔

میچ کے تیسرے دن کا کھیل ختم ہونے سے قبل آسٹریلیا نے اپنی دوسری اننگز میں 5 وکٹوں کے نقصان پر 170 رنز بنائے تھے کہ اس موقع پر باؤنڈری پر دلچسپ واقعہ پیش آیا۔

ہوا کچھ یوں کہ عوام کو محظوظ کرنے کے لیے مشہور حسن علی نے باؤنڈری پر ورزش شروع کی اور عقب میں موجود تماشائیوں نے بھی ان کی نقل اتارنی شروع کردی۔

پھر کچھ دیر بعد انہوں نے باؤنڈری پر ڈانس شروع کردیا اور اس موقع پر بھی تماشائی پیچھے نہ رہے اور ان کے ساتھ مل کر ڈانس کیا۔

اس موقع پر گراؤنڈ میں موجود پاکستانی ٹیم کے کھلاڑیوں کے ساتھ ساتھ آسٹریلین بلے باز اسٹیو اسمتھ بھی بہت محظوظ ہوئے جبکہ کمنٹیٹرز بھی حسن علی کے اس عمل کی تعریف کیے بغیر نہ رہ سکے۔