ڈان نیوز کے مطابق ترجمان پاور ڈویژن نے بتایا کہ شدید دھند کے باعث 550 اور 220 کے وی کی لائنوں کو نقصان پہنچا ہے، ٹرپنگ سے 500 کے وی کے سرکٹ بریکر کو بھی نقصان پہنچا۔

ترجمان نے بتایا کہ گدو سوئچ یارڈ کے سرکٹ بریکر کو پہنچنے والے نقصانات کی تحقیقات کی جارہی ہیں۔

واپڈا ذرائع کے مطابق دھماکے سے پھٹنے والے بریکر کی مرمت یا ریپلیس کرنے میں 15 روز لگ سکتے ہیں، 500 کے وی ہائی ٹرانسمیشن لائن کے سوئچ یارڈ کا بریکر ریپلیس کے لیے موجود نہیں، دھماکے سے پھٹنے والے سوئچ یارڈ کے بریکر کی مالیت 2 کڑور ہے۔

ذرائع کے مطابق مظفرگڑھ اور شکار پور ون جانے والی ہائی ٹرانسمیشن لائن میں بجلی کی سپلائی معطل ہے، بجلی کی سپلائی معطل ہونے سے بجلی کی پیداوار میں کمی کا سامنا ہوگا۔