ڈان نیوز کے مطابق ریٹرنگ افسر نے چار صفحات پر مشتمل تحریری فیصلہ جاری کیا، جس میں کہا گیا ہے کہ شکایت کنندہ متعلقہ فورم پر رجوع کرے۔

فیصلے میں کہا گیا ہے کہ 2 سیاسی جماعتوں سے وابستگی کے معاملہ پر الیکشن کمیشن سے رجوع کیا جائے۔

مزید کہا گیا کہ شکایت کنندہ ایاز این اے 127 سے تعلق نہیں رکھتا، شکایت کنندہ ایاز نارووال کا رہائشی ہے۔

فیصلے میں بتایا گیا ہے کہ شکایت کنندہ محمد ایاز کے اعتراضات کو مسترد کیا جاتا ہے۔

واضح رہے کہ بلاول بھٹو کےکاغذات کو 2 سیاسی جماعتوں سے وابستگی پر مسترد کرنے کی استدعا کی گئی تھی۔