33 سالہ افتخار احمد پہلی اننگز کے دوران فیلڈنگ کر رہے تھے جب انہیں مداح نے ’چاچو‘ کہہ کر پکارا۔

سوشل میڈیا پر وائرل ہونے والے ویڈیو میں مداح کو کہتے سنا جاسکتا ہے کہ ’میں آپ کا فین ہوں‘ جس پر افتخار احمد نے جواب دیا ’خاموش رہیں۔‘

جس کے بعد مداح نے کہا کہ ’میرے خاموش ہوجانے سے کیا ہوگا‘۔

یہ وہ وقت تھا جب افتخار احمد باؤنڈری لائن پر فیلڈنگ کر رہے تھے اور نیوزی لینڈ کے بلے باز جارحانہ اننگز کھیل رہے تھے۔

واضح رہے کہ پاکستانی ٹیم نے نیوزی لینڈ کے خلاف پانچ میچوں کی سیریز کے دوسرے ٹی ٹونٹی میچ میں بھی شکست کا سامنا کیا ہے۔