’ڈان نیوز‘ کے مطابق شیری رحمٰن نے کہا کہ ایران کی جانب سے پاکستانی خودمختاری پر حملہ غیر متوقع تھا، ایران کو اگر کچھ خدشات تھے تو وہ پاکستان کو آگاہ کرتا، پاک-ایران سرحد پر کئی سال سے اس قسم کے ایشوز ہوتے رہے ہیں۔

انہوں نے کہا کہ پاکستان نے ایران کو کافی سوچ سمجھ کر جواب دیا، بہتر ہوگا کہ پاکستان اور ایران اس قسم کے تنازعات کو مزید بڑھنے نہ دیں۔

شیری رحمٰن نے کہا کہ پاکستان کے ایران کے ساتھ پرانے روابط ہیں، تعلقات بہتر کرنے کی ضرورت ہے، پاکستان اور ایران دونوں کو اب تحمل کا مظاہرہ کرنا چاہیے۔