’ڈان نیوز‘ کے مطابق انچارج سی ٹی ڈی خرم وارث نے بتایا کہ گرفتار ملزم غیرملکی ایجنسیوں کے لیے کام کرتا تھا اور ہائی ویلیو ٹارگٹ کی ریکی کرتا تھا۔

یاد رہے کہ مارچ 2019 میں کراچی میں جامعہ دارالعلوم کے نائب مہتمم اور ممتاز عالم دین مفتی تقی عثمانی پر قاتلانہ حملہ ہوا جس میں وہ محفوظ رہے جبکہ ان کے 2 محافظ جاں بحق ہو گئے تھے۔

دو موٹر سائیکلوں پر سوار 4 ملزمان نے گلشن اقبال نیپا چورنگی کے قریب دو کاروں پر اندھا دھند فائرنگ کردی تھی جس کے نتیجے میں 2 محافظ جاں بحق ہوگئے جبکہ مفتی تقی عثمانی محفوظ رہے۔

جاں بحق افراد کی شناخت محمد فاروق اور صنوبر خان کے نام سے ہوئی تھی۔