شعیب ملک نے ٹی 20 کرکٹ میں 13 ہزار رنز مکمل کر لیے ہیں اور وہ یہ سنگ میل عبور کرنے والے ایشیا کے پہلے اور دنیا کے دوسرے کھلاڑی بن گئے ہیں۔

شعیب ملک ان دنوں بنگلا دیش پریمیر لیگ کھیل رہے ہیں، انہوں نے فورچیون باریشال کی نمائندگی کرتے ہوئے رنگ پور رائیڈرز کے خلاف ٹی 20 کرکٹ میں اپنے 13 ہزار رنز مکمل کیے۔

اس سنگ میل کو عبور کرنے کے بعد شعیب سب سے زیادہ ٹی 20 رنز بنانے والوں کی فہرست میں دوسرے نمبر پر آگئے ہیں۔

ٹی 20 کرکٹ میں سب سے زیادہ رنز بنانے کا اعزاز ویسٹ انڈیز کے جارح مزاج اوپپنگ بلے باز کرس گیل کے پاس ہے جنہوں نے مختصر فارمیٹ کی کرکٹ میں 14ہزار سے زائد رنز بنائے ہیں۔

اہم ریکارڈ اپنے نام کرنے پر شعیب ملک نے سوشل میڈیا پلیٹ فارم پر ایک پیغام بھی جاری کیا۔