’ڈان نیوز‘ کے مطابق وفاقی وزارت مذہبی امور کی جانب سے جاری مراسلے میں کہا گیا ہے کہ حالیہ خشک سالی سے ملک بھر میں صحت اور اسموگ کے مسائل پیدا ہو رہے ہیں۔

مراسلے میں اپیل کی گئی ہے کہ کل جمعے کے روز ملک بھر کی مساجد میں نماز استسقا کا اہتمام کیا جائے۔

مراسلے میں کہا گیا ہے کہ تمام شہروں، گاؤں اور دیہاتوں میں واقع مساجد کے امام اور عوام مسنون نماز استسقا کا لازمی اہتمام کریں اور اللہ رب العزت سے خصوصی مغفرت طلب کرتے ہوئے باران رحمت کی دعا کریں۔