’ڈان نیوز‘ کے مطابق مقدمہ زخمی ہونے والے شخص کے بھائی کی مدعیت میں ملیرسٹی تھانے میں درج کیا گیا۔

مدعی مقدمہ کے مطابق اہل محلہ نے اطلاع دی کہ بھائی کو پیپلزپارٹی کے جھنڈے لگانے پر ایم کیو ایم کے کارکنان مار رہے ہیں، حملہ آوروں میں منیر، زبیر، آصف، کاشان، صابر ،فہد، وجاہت، فیصل، عامر اور ماجد سمیت 20 سے 30 افراد شامل تھے۔

مقدمے کے مطابق تشدد کرتے ہوئے اِن افراد کی جانب سے کہا گیا کہ تمہیں جھنڈے اور بینرز لگانے کی سزا دی جارہی ہے، ان تمام افراد نے میرے سامنے پیپلزپارٹی کے جھنڈے اور بینرز کو جلایا۔