دبئی میں ایک ایونٹ کے موقع پر گفتگو کرتے ہوئے سنجے دت نے کہا کہ میں وسیم بھائی کے ساتھ یہاں بلائے جانے کو اپنے لیے اعزاز سمجھتا ہوں، وہ میرے بھائی ہیں جنہیں میں کئی سالوں سے جانتا ہوں۔

انہوں نے مزید کہا کہ میں نے اپنی زندگی میں جو بہترین کرکٹرز دیکھے یہ ان میں سے ایک ہیں اور وہ کرکٹ کے بھگوان ہیں۔

اس موقع پر انہوں نے وسیم اکرم کی باؤلنگ بالخصوص ریورس سوئنگ کی تعریف کرتے ہوئے کہا کہ ان کی ریورس سوئنگ سے سب ڈر جاتے تھے۔

واضح رہے کہ وسیم اکرم کی فاسٹ باؤلنگ کا ہر خاص و عام معترف ہے اور وہ آئی سی سی ہال آف فیم میں بھی شامل ہیں۔

ٹیسٹ اور ون ڈے میں دو، دو ہیٹ ٹرک کا اعزاز حاصل کرنے والے وسیم اکرم نے 104 ٹیسٹ میچوں میں پاکستان کی نمائندگی کرتے ہوئے 414 وکٹیں حاصل کیں۔

1996 اور 1999 ورلڈ کپ میں پاکستان کی قیادت کرنے والے سوئنگ کے سلطان نے 356 ون ڈے میچوں میں 502 وکٹیں لیں۔