’ڈان نیوز‘ کے مطابق وزیراعلیٰ پنجاب محسن نقوی نے لاہور رنگ روڈ سدرن لوپ تھری پروجیکٹ کا دورہ کرکے اڈہ پلاٹ سے مراکہ ملتان روڈ تک منصوبے پر پیشرفت کا جائزہ لیا۔

وزیراعلیٰ محسن نقوی نے پروجیکٹ پر جاری تعمیراتی سرگرمیوں کا بھی معائنہ کیا، اس موقع پر محسن نقوی کا کہنا تھا کہ ملتان روڈ سے آنے والی ٹریفک کے لیے ایک سائیڈ پہلے کھول دی جائے گی۔

انہوں نے ہدایت دی کہ منصوبے پر کام کی رفتار تیز کی جائے اور اسے جلد مکمل کیا جائے، یہ منصوبہ لاہور کی ٹریفک کو ریگولیٹ کرنے کے لیے بہت اہمیت رکھتا ہے۔