’ڈان نیوز‘ کے مطابق ترجمان الیکشن کمیشن نے بتایا کہ الیکشن کمیشن نے چیف سیکرٹری اور آئی جی سندھ سے فوری رپورٹ طلب کرلی تاکہ ذمہ داروں کے خلاف الیکشن قوانین کے تحت بھی کارروائی کی جا سکے۔

الیکشن کمیشن کی جانب سے کہا گیا ہے کہ ہوائی فائرنگ کے واقعہ میں ملوث افراد کے خلاف فوری قانونی کارروائی کی جائے۔

قبل ازیں یہ خبر سامنے آئے تھی کہ سکھر اور کشمور میں پیپلزپارٹی کے امیدواروں کی انتخابی مہم کے دوران ہوائی فائرنگ کی گئی، جس سے علاقے میں خوف و ہراس پھیل گیا۔

واضح رہے کہ الیکشن کمیشن کی جانب سے انتخابی مہم کے دوران اسلحہ کی نمائش اور فائرنگ پر پابندی ہے۔