غیر ملکی خبر رساں اداروں کی رپورٹس کے مطابق موسمیاتی تبدیلیوں سے متعلق کانفرنس کے موقع پر احتجاج کے دوران کسانوں نے پارلیمنٹ کے اطراف احتجاجا اپنے ٹریکٹر بھی کھڑے کردیے جب کہ کانفرنس میں یورپی یونین کے رہنما بھی شریک ہوئے۔

اس دوران پولیس اور کسانوں کے درمیان جھڑپیں بھی ہوئیں، مظاہرین نے پولیس پر انڈے پھینکے جبکہ کہ پولیس نے جوابی کارروائی میں واٹر کینن کا استعمال کیا۔

کسانوں کا کہنا ہے کہ ان پر مسلط کردہ قوانین نے زراعت کے پیشے سے وابستہ کسانوں کی زندگی اجیرن کردی جس کے باعث زراعت ان کے لیے منافع بخش نہیں رہی۔

کسانوں کا مطالبہ ہے کہ ان پر مسلط کردہ قوانین فوری واپس لیے جائیں۔