اے این پی خیبرپختونخوا کے صدر ایمل ولی خان نے چارسدہ میں احتجاجی جلسے سے خطاب کرتے ہوئے واضح کیا کہ اے این پی قوم کا حق پارلیمان کے راستے سے جیتنا چاہتی ہے۔

انہوں نے کہا کہ پاکستان کے پارلیمان اور جمہوریت میں فوج کا کردار ختم کرنا چاہتے ہیں، پورا ملک ایک نقطے پر متفق ہو رہا ہے کہ فوج کا کردار سیاست میں نہیں ہونا چاہیے۔

ان کا کہنا تھا کہ وہ الیکشن میں کامیابی کے بدلے کروڑوں روپے رشوت لینے کے ثبوت پیش کر سکتے ہیں۔