فضا علی کی وائرل ہونے والی ویڈیوز میں انہیں تقریب میں موجود مرد و خواتین کے سامنے رقص کرتے دیکھا جا سکتا ہے۔

ایک ویڈیو میں وہ ساتھی مرد کے ساتھ بھی دلبر دلبر پر رقص کرتی دکھائی دیں۔

اداکارہ کی ڈانس کی ویڈیو وائرل ہونے کے بعد جہاں بعض لوگوں نے ان کے رقص کی تعریفیں کیں، وہیں زیادہ تر لوگوں نے انہیں آڑے ہاتھوں لیا۔

کچھ صارفین نے اداکارہ کی ڈانس پر ان کی ہدایت کی دعائیں بھی کیں جب کہ بعض افراد نے ان کے لیے نامناسب الفاظ کا استعمال بھی کیا۔

جہاں مداحوں نے اداکارہ کی ڈانس کی برائیاں کیں، وہیں کچھ لوگوں نے اداکارہ کے لباس کو بھی نامناسب قرار دیا اور لکھا کہ وہ تہذیب یافتہ لباس پہننا بھول گئیں۔

بعض لوگوں نے یہ بھی لکھا کہ کچھ سال یا وقت بعد یہ اپنی اسی ڈانس کو وقت کا ضیاع قرار دیتے ہوئے اس پر اظہار افسوس بھی کریں گی۔

کچھ لوگوں نے لکھا کہ فضا علی مذکورہ ڈانس میں پاگل لگ رہی ہیں جب کہ بعض نے یہ بھی لکھا کہ پرانی اداکارائوں کو نہ جانے کیا ہوگیا ہے کہ ہرکوئی ڈانس کرتا دکھائی دینے لگا ہے۔