پی سی بی کی جانب سے جاری کردہ ایک بیان میں کہا گیا کہ نسیم پر آرٹیکل 2.2 کی خلاف ورزی کا الزام عائد کیا گیا۔

بیان میں مزید کہا گیا کہ نسیم شاہ نے ملتان سلطانز کی اننگز کی آخری گیند کے بعد غصے میں اسٹمپ کو پاوں مارا تھا۔

نسیم شاہ نے الزام کا اعتراف کیا اور میچ ریفری روشن مہاناما کی تجویز کردہ پابندیوں کو قبول کر لیا۔

نسیم پی ایس ایل کے رواں سیزن میں اسلام آباد یونائیٹڈ کے لیے کھیل رہے ہیں۔

ملتان سلطانز پر بھی جرمانہ عائد

اسی میچ میں ملتان سلطانز پر سلو اوور ریٹ برقرار رکھنے پر جرمانہ عائد کیا گیا۔