برطانوی نشریاتی ادارے کے مطابق واقعہ جنوبی افریقہ کے پہاڑی علاقے مماٹلاکالا میں اس وقت پیش آیا جب ڈرائیور موڑ کاٹتے ہوئے توازن کھو بیٹھا اور مسافر بس 50 میٹر گہری گھائی میں جاگری۔

حادثے کے بعد بس میں آگ لگ گئی، معجزاتی طور پر بچ جانے والی 8 سالہ بچی کو انتہائی تشویش ناک حالت میں ہسپتال منتقل کردیا گیا جبکہ 45 افراد ہلاک ہوگئے۔

مسافر بوٹسوانا کے دارالحکومت گبرون سے موریا نامی قصبے جارہے تھے۔

وزیر ٹراسپورٹ نے افسوسناک بس حادثے سے متاثرہ خاندانوں سے تعزیت کا اظہار کرتے ہوئے واقعے کی مکمل تحقیقات کا حکم دے دیا۔

انہوں نے کہا کہ جنوبی افریقہ کی حکومت لاشوں کو وطن واپس لانے میں مدد کرے گی اور حادثے کی وجوہات کی مکمل تحقیقات کرے گی۔