افطار اسپیشل: پنیر کے ذائقہ سے لبریز ’چکن چیٹوز پوپرز ’

none@none.com (ویب ڈیسک) — Wed, 03 Apr 2024 20:19:22 +0500

پنیر کے ذائقہ سے بھرا ’چکن چیٹوز پوپرز‘ (Chicken Cheetos Poppers) بچوں اور بڑوں میں یکساں طور پر پسندیدہ ہیں۔

اس میں شامل کالی مرچ اور لہسن کا ذائقہ اسے لذیذ بناتا ہے، اسے افطاری میں بنا کر دسترخوان کی شان بڑھائیں۔

چکن500 گرام آدھا کلو

نمک حسبِ ذائقہ

کالی مرچ ایک چائے کا چمچ

لہسن کا پیسٹ ایک کھانے کا چمچ

انڈا پھینٹا ہوا کوٹنگ کے لیے

آٹاکوٹنگ کے لیے حسبِ ضرورت

چیز چیٹوزکوٹنگ کے لیے حسبِ ضرورت

ایک برتن میں مرغی کا گوشت لیں، پھر اس میں نمک اور لہسن کا پیسٹ ملائیں اور اچھی طرح مکس کریں۔

اب اسے ایک آدھ گھنٹے کے لیے میرینیٹ ہونے کو رکھ دیں۔

اب میرینیٹ کی ہوئی چکن کی آٹے سے کوٹنگ کرلیں۔

اب اسے پھینٹے ہوئے انڈوں کے آمیزے میں ڈبوئیں اور کرش کیے ہوئے چیٹوز سے کوٹنگ کریں۔

اب چکن پوپرز کو درمیانے درجے کی آنچ پر گرم تیل میں اچھی طرح تلیں تاکہ ان کی رنگت سنہری ہوجائے۔

The Dawn News - Food