ڈان نیوز کےمطابق ملزم ارشد نے لڑکی کو ڈرا دھمکا کے زیادتی کی کوشش کی تاہم بچی کے چیخنے چلانے پر ملزم موقع سے فرار ہو گیا۔

اطلاع موصول ہونے پر چوھنگ پولیس نے فوری مقدمہ درج کیا اور چند گھنٹوں میں ملزم کا سراغ لگا کر اسے گرفتار کر لیا۔

بعد ازاں پولیس نے ملزم کو مزید تحقیقات کے لیے انویسٹی گیشن ونگ کے حوالے کر دیا۔

سپرنٹنڈنٹ پولیس صدر سدرہ خان نے کہا ہے کہ بچوں کے ساتھ جنسی جرائم میں ملوث ملزمان کو قرار واقعی سزائیں دلوائی جا رہی ہیں۔

یاد رہے کہ 16 اپریل کو راولپنڈی پولیس نے 12 سالہ بچی سے زیادتی کرنے والے سوتیلے باپ کو گرفتار کر لیا تھا۔

سوتیلے باپ نے 12سالہ بچی کو ڈرا دھمکا کر کافی عرصہ سے اس کے ساتھ ناجائز تعلقات قائم کر رکھے تھے۔

روات پولیس نے متاثرہ بچی کی والدہ کی درخواست پر فوری مقدمہ درج کر کے ملزم خلیل کو گرفتار کر لیا اور متاثرہ بچی کا میڈیکل بھی کروا لیا تھا۔