ڈان نیوز کے مطابق ریلوے حکام نے بتایا کہ چلتی ٹرین کی انجن میں آگ ریلوے اسٹیشن فیروزہ کے قریب لگی۔

ریلوے حکام کا کہنا تھا کہ مسافر اور عملہ محفوظ ہیں، کوئی جانی نقصان نہیں ہوا، مزید کہا کہ ٹرین کی انجن میں لگی آگ بجھانے کی کوشش کی جارہی ہے۔

ریلوے حکام نے بتایا کہ حادثے کے باعث اپ ٹریک پر ٹرینوں کی آمدورفت معطل ہوگئی، مسافر ٹرینوں کو مختلف اسٹیشنوں پر روک دیا گیا ہے۔

ریلوے حکام کا کہنا تھا کہ انجن تبدیل کرکے ٹرین کو منزل پر روانہ کیا جائےگا۔