خبر رساں ادارے اے ایف پی کے مطابق امریکا کی مختلف ریاستوں میں 70 سے زیادہ طوفانی بگولے ریکارڈ کیے گئے جو زیادہ تر ریاست نیبراسکا اور اوماہا کے قریب دیکھے گئے۔

سوشل نیٹ ورکس پر پوسٹ کی گئی ویڈیوز میں سیاہ بادلوں کو آسمان میں دیکھا جاسکتا ہے جو اپنے ساتھ مٹی، گردوغبار اور دیگر چیزوں کو ساتھ لے رہے ہیں۔

اوماہا کے مضافاتی علاقے ایلخورن میں طوفان نے متعدد مکانات کو تباہ کر دیا، گھروں کی چھتیں اڑ گئیں اور متعدد درخت اکھڑ گئے۔

اس کےعلاوہ نیبراسکا ریاست کے قریب طوفان ایک ٹکرا گیا، حکام نے بتایا کہ طاقتور طوفانی ہواؤں سے ٹرین پٹریوں سے اتر گئیں جبکہ 11 ہزار کے قریب گھر بجلی سے محروم ہوگئے۔