کراچی میں پریس کانفرنس کرتے ہوئے ان کا کہنا تھا کہ کراچی والے اسٹریٹ کرائمز، پانی اور بجلی بحران سے پریشان ہیں، نوجوان موجودہ حالات سے مایوس ہو رہے ہیں، والدین اپنے بچوں کو بیرون ملک بھیجنےکا سوچ رہے ہیں۔

امیر جماعت اسلامی حافظ نعیم الرحمٰن نے کہا کہ کراچی والےخوف کے سائے میں زندگی گزار رہے ہیں، بےحسی دیکھیں، پیپلزپارٹی کہتی ہے کہ اتنے بڑے شہر میں یہ معمول ہے۔

حافظ نعیم الرحمٰن کا کہنا تھا کہ حکومت اپنی ذمہ داریاں پوری کرنے میں ناکام ہے، مزید کہا کہ کراچی میں اسٹریٹ کرائم کم ہونےکے دعوے جھوٹے ہیں، پیپلزپارٹی اور متحدہ قومی موومنٹ (ایم کیو ایم) نے ہی بھتہ خوری اور دہشت گردی کے کلچر کو فروغ دیا۔