ڈان نیوز کے مطابق آئندہ مالی سال اقلیتوں کی فلاحی اسکیموں کے لیے فنڈز مختص نہیں کیے گئے ہیں جبکہ رواں مالی سال اقلیتوں کی فلاحی اسکیموں کے لیے 10 کروڑ روپے رکھے گئے تھے۔

بجٹ میں سماجی فلاحی اقدامات کے لیے بھی گرانٹ ختم کردی گئی ہے۔

بجٹ دستاویز کے مطابق رواں مالی سال سماجی فلاحی اقدامات کے لیے 20 کروڑ روپے کی گرانٹ مختص تھی۔

بجٹ میں نظریہ پاکستان کونسل ٹرسٹ کے لیے گرانٹ 50 لاکھ سے بڑھا کر 80 لاکھ روپے کردی گئی ہے۔

بجٹ میں نورانی فاؤنڈیشن بورڈنگ اسکول کے لیے 25 کروڑ روپے کی گرانٹ مختص کی گئی ہے۔

اسی طرح حسن ابدال کیڈٹ کالج کے لیے گرانٹ 7 کروڑ سے بڑھا کر 25 کروڑ روپے کردی گئی ہے، جبکہ موسمیاتی تبدیلی کانفرنسز اور فورمز کے لیے گرانٹ 2 کروڑ سے بڑھا کر 15 کروڑ روپے کی گئی ہے۔