ڈان نیوز کے مطابق مالیاتی بل میں ایسی کمپنی جو معاون کمپنی کو رائلٹی اور تکنیکی فیس ادا کرتی ہو، کے سیلز پروموشن اور اشتہارات پر اٹھنے والے 25 فیصد اخراجات کی اجازت نہ دینے کی تجویز ہے۔

یہ رائلٹی اور ٹیکنیکل فیس انکم ٹیکس کے لیے اخراجات کی مد میں دکھائی نہیں جاتیں۔

تجویز کے مطابق اس رائلٹی اور ٹیکنیکل فیس کا 75 فیصد بطور اخراجات قبول کرلیا جائے گا، جبکہ 25 فیصد کو اخراجات کے بجائے آمدن کے طور پر دیکھا جائے گا اور اس پر انکم ٹیکس لاگو ہوگا۔ تجویز کا اطلاق 2022 سے ہوگا۔

ماہرین نے تجویز کو قانونی طور پر کمزور قرار دیا اور خدشہ ظاہر کیا کہ اس سے پیداواری شعبے کی حوصلہ شکنی ہوگی اور سرمایہ کاروں کا اعتماد مجروح ہوگا۔