پہلے ہاف کے 38ویں منٹ میں کولمبیا کے جیفرسن لیرما نے شاندار ہیڈر گول اسکور کرکے اپنی ٹیم کو 0-1 سے برتری دلوائی جوکہ اختتام تک قائم رہی۔

میچ ختم ہونے کے بعد شائقین کے اسٹینڈز میں ہنگامے کی صورتحال اس وقت پیدا ہوئی کہ جب ڈارون نونز کی قیادت میں چند یوروگوئے کے کھلاڑی اسٹینڈز میں کولمبیا کے شائقین کے ساتھ گتھم گتھا ہوگئے۔

نونز نے مؤقف اپنایا کہ شائقین ان کے اور ٹیم کے ساتھی کھلاڑیوں کی فیملیز کے لیے نامناسب الفاظ استعمال کررہے تھے جس پر وہ ان سے لڑنے گئے۔

انگلش کلب لیورپول کے لیےکھیلنے والے یوروگوئے کے کھلاڑی ڈارون نونز شائقین پر مکے برساتے نظر آئے جبکہ اسٹیڈیم کی انتظامیہ انہیں روکنے کی بھرپور کوشش کرتی نظر آئی۔

یوروگوئے کے کوپا امریکا سے باہر ہونے کے ساتھ ہی لوئز سواریز کا اپنے آخری بین الاقوامی ٹورنامنٹ کا سفر بھی تمام ہوا جس پر وہ دل گرفتہ نظر آئے۔

کولمبیا کی ٹیم 15 جولائی پاکستانی وقت کے مطابق صبح 5 بجے دفاعی چیمپیئن ارجنٹینا سے فائنل میں ٹکرائے گی۔