ڈان نیوز کے مطابق وفاقی وزیر برائے بحری امور قیصر احمد شیخ نے کہا ہے کہ آزادی بہت بڑی نعمت ہے، وطن عزیز لازوال قربانیوں کا ثمر ہے، ہمارے آباؤ اجداد نے اپنی جانوں کا نذرانہ دے کر وطن عزیز کا تحفہ ہمیں دیا۔

انہوں نے کہا کہ ہماری قومی ذمہ داری ہے کہ ملک کی تعمیر و ترقی، استحکام و تحفظ کے لیے تمام اختلافات بالائے طاق رکھ کر اجتماعی کوششیں کریں۔

ان کا مزید کہنا تھا کہ 77 ویں یوم آزادی پر ہم سب مل کر عہد کریں کہ بانی پاکستان قائد اعظم محمد علی جناح کے رہنما اصولوں پر چلتے ہوئے وطن عزیز کی تعمیر و ترقی کے لیے اپنے فرائض پوری دیانت اور ایمانداری سے انجام دیں گے۔