ڈان نیوز کے مطابق ایڈیشنل سیشن جج رفاقت علی قمر نے اوریا مقبول جان کے جسمانی ریمانڈ کے خلاف دائر اپیل سے متعلق محفوظ فیصلہ سنا دیا۔

دوران سماعت اوریا مقبول جان کے وکیل میں علی اشفاق نے کہا کہ اوریا مقبول نےکوئی ایسا بیان نہیں دیا جس سےکسی کی توہین ہوئی ہو، عدلیہ کے فیصلے پر تنقید کرنا ہر شخص کا حق ہے یہ حق عدلیہ نے ہی دیا ہے۔

یاد رہے کہ اوریا مقبول جان کے وکیل نے جوڈیشل مجسٹریٹ کے جسمانی ریمانڈ کو چیلنج کیا تھا، تاہم سیشن کورٹ نے جسمانی ریمانڈ کے خلاف اپیل خارج کر دی۔

اس سے قبل، ایڈیشنل سیشن جج رفاقت علی قمر نے وکلا کے دلائل کے سننے بعد فیصلہ محفوظ کیا تھا۔

26 اگست کو لاہور کی ضلع کچہری نے سائبر کرائم کیس میں کالم نگار اور تجزیہ کار اوریا مقبول جان کو مزید 4 روزہ جسمانی ریمانڈ پر ایف آئی اے کے حوالے کر دیا تھا۔

22 اگست کو ضلع کچہری لاہور نے ایف آئی اے کے سائبر کرائم مقدمے میں کالم نگار اور تجزیہ کار اوریا مقبول جان کا 4 روزہ جسمانی ریمانڈ منظور کیا تھا۔

جوڈیشل مجسٹریٹ عمران عابد نے محفوظ فیصلہ سنایا تھا، عدالت نے ہدایت دی تھی کہ آئندہ سماعت پر تفتیشی افسر رپورٹ عدالت پیش کریں۔

21 اگست کو رات گئے اوریا مقبول جان کو لاہور سے گرفتار کیا گیا تھا۔