ایکس کے مالک ایلون ملک نے اپنی ٹوئٹ کے ذریعے ”ایکس ٹی وی“ ایپ کو متعارف کرانے کا اعلان کیا۔

”ایکس ٹی وی“ ایپ بلکل یوٹیوب کی طرح ہی ہے لیکن اس کی خاص بات یہ ہوگی اس میں ایکس پر اپلوڈ کی جانے والی طویل ویڈیوز کو بھی دیکھا جا سکے گا۔

مذکورہ ایپلی کیشن کو ایکس سے منسلک کیا گیا ہے اور ایکس پر پوسٹ کی جانے والی تمام طویل ویڈیوز صارف کے نام سے ہی بنے ایکس ٹی وی اکاؤنٹ پر دکھائی دینے لگیں گی۔

مذکورہ ایپلی کیشن کو ابھی محدود صارفین کے لیے پیش کیا گیا ہے اور ابھی صرف اسے اسمارٹ ٹیلی وژنز کے لیے پیش کیا گیا ہے۔

ممکنہ طور پر مستقبل میں ایکس ٹی وی کو یوٹیوب کی طرح کی اسٹریمنگ ویب سائٹ میں تبدیل کرکے اسے مائکروبلاگنگ سائٹ ایکس کے ساتھ بھی منسلک کردیا جائے گا۔

ایکس ٹی وی پر تمام بڑے نشریاتی اداروں اور تفریح فراہم کرنے والے ٹی وی چینلز کے اکاؤنٹس بھی موجود ہوں گے اور مذکورہ ایپلی کیشن مستقبل میں یوٹیوب کی طرح ہی چلائی جا سکے گی۔

ایکس ٹی وی کو ایکس سے منسلک کرکے ٹرینڈنگ اینڈ وائرل ویڈیوز کو بھی اس پر دیکھا جا سکے گا۔

گوگل پلے سمیت دیگر پلے اسٹورز پر ایکس ٹی وی کو ڈاؤن لوڈنگ کے لیے دستیاب کردیا گیا، تاہم فوری طور پر ایکس ٹی وی تک تمام صارفین کو رسائی نہیں دی گئی۔