رواں سال اگست میں اسرائیل کے بائیکاٹ کے خلاف کھڑی ایک غیر منافع بخش تنظیم کریٹیو کمیونٹی فار پیس (سی سی پی) کی جانب سےاس اسٹوری کی نامزدگی منسوخ کرنے کا مطالبہ کیا گیا تھا۔

اس گروپ نے الزام عائد کیا ہے کہ صحافی بيسان عودة کے پاپولر فرنٹ فار دی لبریشن آف فلسطین (پی ایف ایل پی) سے تعلقات رہے، جسے امریکا اور یورپی یونین نے دہشت گرد گروپ قرار دیا ہے، تاہم نیوز ایمیز کی جانب سے بيسان عودہ کی نامزدگی کا دفاع کیا گیا۔

نیشنل اکیڈمی آف ٹیلی ویژن آرٹس اینڈ سائنسز کے زیر اہتمام 45 ویں سالانہ نیوز اینڈ ڈاکیومینٹری ایمیز کا انعقاد گزشتہ روز نیو یارک سٹی میں کیا گیا۔

نیوز اینڈ ڈاکیومینٹری ایمیز کے پہلے دن نیوز اسٹوریز کو اعزازات سے نوازا گیا جبکہ دوسرے دن ڈاکیومینٹریز پیش کی جائیں گی۔

ان کا کہنا تھا کہ میں غزہ سے تعلق رکھنے والی بيسان عودہ ہوں اور میں زندہ ہوں، جنہوں نے پہلے پیباڈی ایوارڈ جیتا تھا، اس اسٹوری میں بيسان عودہ نے سوشل میڈیا کا استعمال کرتے ہوئے غزہ میں بمباری کے سبب درپیش مسائل کو اجاگر کیا۔

امریکی جریدے ورائٹی کے مطابق اسرائیلی حملوں پر ای پورٹنگ نے ایمیز میں متعدد ایوارڈز جیتے ، جن میں شاندار بریکنگ نیوز کوریج بھی شامل ہے جو سی این این کوبھیجی گئی تھی۔

اے بی سی نیوز لائیو نے اسرائیلی لیڈر اسپیکس آؤٹ کی کوریج کے لیے شاندار لائیو انٹرویو کا ایوارڈ جیتا۔