ترجمان پولیس کے مطابق ہلاک کیے گئے ڈاکوؤں کی شناخت سرمد بھیو اور ساجن ملوکانی کے ناموں سے ہوئی ہے۔

آپریشن کے دوران ملزمان کے ساتھی اندھیرے کا فائدہ اٹھا کر فرار ہوگئے، ہلاک ڈاکو انسداد دہشت گردی سمیت متعدد سنگین جرائم میں مطلوب تھے، ڈاکوؤں کے قبضہ سے 2کلاشنکوف اور متعدد گولیاں بھی برآمد ہوئیں ہیں۔

دوسری طرف شکارپور پولیس اور رینجرز نے کچے کے علاقے گڑھی تیغو میں مشترکہ آپریشن کیا، آپریشن کے دوران فائرنگ کے تبادلے میں 5 ڈاکو اور 2 پولیس اہلکار زخمی ہوگئے۔

پولیس کے مطابق گڑھی تیغو میں5 روز سے مغویوں کی بازیابی کے لئے مشترکہ آپریشن جاری ہے، جس میں ڈاکوؤں کے متعددگھروں اور مورچوں کوجلایا گیا ہے اور کئی ٹھکانے مسمار کردیئے گئے جبکہ پولیس اور رینجرز نے علاقے کو گھیرے میں بھی لیا ہوا ہے۔