اسپیکر خیبرپختونخوا اسمبلی بابر سلیم سواتی کے مطابق مجسٹریٹ کی موجودگی میں آج اسلام آباد انتظامیہ نے کے پی ہاؤس کو سیل کیا، کے پی ہاؤس سیل کرنے کی وجوہات جو بھی ہیں مگر یہ اچھا عمل نہیں۔

انہوں نے کہا کہ یہ اس ایوان اور عوام کی عزت کو مجروح کرنے کے مترادف ہے، وفاق صوبے کے عوام کو مجبور کر رہی ہے۔

واضح رہے کہ آج صبح اسلام آباد میں کیپیٹل ڈیولپمنٹ اتھارٹی (سی ڈی اے) نے خیبر پختونخوا ہاؤس کو سیل کر دیا تھا۔

سی ڈی اے ذرائع نے بتایا تھا کہ بلڈنگ رولز کی خلاف ورزی پر خیبرپختونخوا ہاؤس سیل کیا جا رہا ہے۔

اسپیشل مجسٹریٹ سردار محمد آصف نے خیبرپختونخوا ہاؤس کے متعدد بلاک کو سیل کیا، ان کے ہمراہ اسسٹنٹ کمشنر عبداللہ بھی موجود تھے۔