ڈان نیوز کے مطابق وزیر دفاع خواجہ آصف نے سماجی رابطے کی ویب سائٹ ’ایکس‘ پر ایک پیغام میں کہا کہ بشریٰ بی بی کی رہائی اور پشاور روانگی معمول کی کارروائی نہیں، عمران خان کی اہلیہ کا وزیر اعلیٰ ہاؤس میں ڈیرے ڈالنا پس پردہ داستان کی نشاندہی ہے۔

ان کا مزید کہنا تھا کہ وزیر اعلیٰ خیبرپختونخوا علی امین گنڈاپور کی چالیں، پہلے بھڑکیں مارنا، دھمکیاں دینا، جلسے جلوسوں سے غائب ہونا اور پھر نمودار ہونا اور آنیاں جانیاں یہ دونوں شخصیتیں کسی نورا کشتی کی اور معافی تلافی کی خبر دیتی ہیں۔

خواجہ آصف نے کہا کہ یہ سب عمران خان کی مرضی کے بغیر نہیں ہو رہا، کارکنوں کو بیوقوف بنایا جارہا ہے۔

واضح رہے کہ بشریٰ بی بی 25 اکتوبر کو جیل سے رہا ہونے کے بعد لاہور کے بجائے پشاور روانہ ہوئیں تھی۔

بشریٰ بی بی کو پارٹی قیادت کی جانب سے تحفظات سے آگاہ کیا گیا تھا جس کے بعد وہ پشاور روانہ ہو گئیں تھی۔