برطانوی شہری قتل کیس کی سماعت ایڈیشنل سیشن جج خالد محمود بھٹی کی عدالت میں ہوئی۔

عدالت نے جرم ثابت ہونے پر مجرم محمد علی حسین کو سزائے موت اور 10 لاکھ روپے جرمانہ کی سزا کا حکم سنایا، مجرم بھی پاکستانی نژاد برطانوی شہری ہے۔

واضح رہے کہ رواں برس جون کے اوائل میں جہلم کے تھانہ کالا گجراں کی حدود میں پاکستانی نژاد برطانوی شہری کو اس کے بھتیجے نے تقریب کے دوران فائرنگ کر کے قتل کر دیا تھا، قاتل بھی پاکستانی نژاد برطانوی شہری ہے۔

11 جون کو ڈان اخبار کی رپورٹ میں پولیس ذرائع کے حوالے سے بتایا گیا تھا کہ مقتولہ کی والدہ کی برسی کے موقع پر عرفان آدم پر اس کے بھتیجے محمد علی نے اپنے والد کے کہنے پر حملہ کیا تھا۔

متوفی کے چھوٹے بھائی کی شکایت پر درج ایف آئی آر میں کہا گیا تھا کہ عرفان آدم گزشتہ 5 ماہ سے لاہور میں مقیم تھے اور اتوار کو گھرمالا میں اپنی والدہ کی برسی کے موقع پر آبائی گھر گئے تھے۔